Related Posts Plugin for WordPress, Blogger...

२ डिसेंबर, २००८

मौन



गोड हसते,वा उचलते एक भिवई

खूपदा ती बोलते शब्दाविनाही!


‘हो’ म्हणाया- लाजुनी झुकतात डोळे

घट्ट मिटले ओठ म्हणती -‘आज नाही!’


हात हाती घेतलेला सोडते ती-

अर्थ हा की-‘का अशी करतोस घाई?’


एक सुस्कारा कधी,नि:श्वास केव्हा-

मी म्हणावे,‘जे हवे ते माग बाई!’


विस्मराया लागलो मी शब्द आता-

मौन अमुचे होत आहे अर्थवाही!


 - सदानंद डबीर

(पूर्वप्रसिद्धी : ‘कविता-रती’/दिवाळी २००८)

1 comments:

आदित्य २.१२.०८  

फार फार सुंदर! मी कवितांचा काही फार नियमित वाचक नाही, पण ही रचना फारच छान जमलीये.

गझलकडे वळा ! - भालचंद्र नेमाडे

‘‘सध्या मुक्तछंदाच्या वापराने मराठी कवितेला दारिद्र्य आले आहे. म्हणूनच एकाचवेळी विविध विषय समर्थपणे पोहोचवणा-या व वृत्तसौंदर्याने नटलेल्या गझल प्रकाराचा स्वीकार-अंगिकार मराठी भाषेला आवश्यकच ठरणार आहे’’ - असे उद्गार सुप्रसिद्ध साहित्यिक भालचंद्र नेमाडे यांनी मुंबई विद्यापीठात गझल प्रकारावर झालेल्या परिसंवादाच्या अध्यक्षपदावरून काढले. (वृत्त - महाराष्ट्र टाइम्स, दि.७-४-२००४)

Ghazal in English :


English
- Chandrani Chatterjee / Milind Malshe

डॉ.श्रीकृष्ण राऊत : गझल सादर करताना

तुझ्या गुलाबी ओठांवरती : रफिक शेख

नामवंत सिने दिग्दर्शक राजदत्तजी ‘गझलकार’ सीमोल्लंघन विशेषांकाबद्दल बोलताना :

प्रख्यात समाज सेविका सिंधुताई सपकाळ

प्रख्यात समाज सेविका सिंधुताई सपकाळ
सीमोल्लंघन २०११ चे प्रकाशन करताना

  © Blogger templates Newspaper III by Ourblogtemplates.com 2008

Back to TOP