Related Posts Plugin for WordPress, Blogger...

२४ ऑक्टोबर, २०१२

सुरेशकुमार वैराळकर : तीन गझला




१.

प्रसन्न आसमंत,का उदास तू?
विचार हाच प्रश्न आरशास तू.

अजून गाव दूर वृक्ष ना कुठे;
अधेमधे उन्हात थांबलास तू.

कुठे न पालवी,कुठे न कोकिळा;
कुठे असा वसंत पाहिलास तू.

विकून आपली स्वता:च सावली;
उन्हाकडे गहाण राहिलास तू.

अजूनही कसा सुगंध दरवळे;
अजूनही इथेच आसपास तू.

कुठे,कधी,कुणास देव पावला
खुशाल दूध पाज पत्थरास तू.

२.

वेड्यापरी वागायचे;
हे राहिले सांगायचे.

वाटा फुलांच्या टाळुनी;
काट्यांस मी बिलगायचे.

करुनी सुखे सारी वजा;
दु:खास मग मागायचे.

गाणे तुझे-माझे जुने-
मीच एकट्याने गायचे.

कवटाळुनी घेऊ व्यथा;
मग रात्रभर जागायचे.

सारीच नाती बेगडी;
हे शेवटी उमगायचे.



रेखाचित्र : सदानंद बोरकर 
३.

आकांत फार झाला;
अश्रू फरार झाला.

काट्यांवरी फुलांचा
एकाधिकार झाला.

निद्रिस्त गस्तवाले;
कैदी पसार झाला.

गाफील तू तसा मी;
सौदा उधार झाला.

मी झुंजलोच नाही;
झोपेत वार झाला.

आयुष्य सोसुनी तो,
मस्तीत ठार झाला.

तो घाव आपुल्यांचा-
जो आरपार झाला.










गझलकडे वळा ! - भालचंद्र नेमाडे

‘‘सध्या मुक्तछंदाच्या वापराने मराठी कवितेला दारिद्र्य आले आहे. म्हणूनच एकाचवेळी विविध विषय समर्थपणे पोहोचवणा-या व वृत्तसौंदर्याने नटलेल्या गझल प्रकाराचा स्वीकार-अंगिकार मराठी भाषेला आवश्यकच ठरणार आहे’’ - असे उद्गार सुप्रसिद्ध साहित्यिक भालचंद्र नेमाडे यांनी मुंबई विद्यापीठात गझल प्रकारावर झालेल्या परिसंवादाच्या अध्यक्षपदावरून काढले. (वृत्त - महाराष्ट्र टाइम्स, दि.७-४-२००४)

Ghazal in English :


English
- Chandrani Chatterjee / Milind Malshe

डॉ.श्रीकृष्ण राऊत : गझल सादर करताना

तुझ्या गुलाबी ओठांवरती : रफिक शेख

नामवंत सिने दिग्दर्शक राजदत्तजी ‘गझलकार’ सीमोल्लंघन विशेषांकाबद्दल बोलताना :

प्रख्यात समाज सेविका सिंधुताई सपकाळ

प्रख्यात समाज सेविका सिंधुताई सपकाळ
सीमोल्लंघन २०११ चे प्रकाशन करताना

  © Blogger templates Newspaper III by Ourblogtemplates.com 2008

Back to TOP