हे असे का रोजचे येणे तुझे

हे असे का रोजचे येणे तुझे;
कोणते माझ्याकडे देणे तुझे.

आठवावे सांजवेळी सारखे,
हात हे हातामधे घेणे तुझे

मी कसा झाकू छताला मोडक्या;
उंबर्‍याशी थांबले मेणे तुझे

हासला माझ्या घराचा कोपरा;
बोलणे का ऐकले तेणे तुझे.

कोणत्या मातीत होते कोरले;
फार झाले देखणे लेणे तुझे.

वाहतो आयुष्य मी पायी तुझ्या
ऋण फिटावे थोडके जेणे तुझे.

या भुईने कोठवर सोसायचे
मेघ हे वार्‍यावरी नेणे तुझे!

- वंदना पाटील
07267 - 285125