नको उभारू असा दुरावा एक फोन कर;
ठरेल खोटा तुझाच दावा एक फोन कर.
असे कशाला एकएकटे झुरायचे तू;
अर्धा वाटा मला मिळावा एक फोन कर.
नकोस बोलू एक शब्दही... फक्त रिंग दे;
तुझा अबोला मला कळावा एक फोन कर.
म्हणायची हक्काने मजला, 'घरी निघुन ये..'
पुन्हा येउदे असा बुलावा एक फोन कर.
'क्षणोक्षणी मी तुझी आठवण काढत असते'
ह्या गोष्टीला काय पुरावा? एक फोन कर.
- रुपेश देशमुख
9923075743
कोणत्याही टिप्पण्या नाहीत:
टिप्पणी पोस्ट करा