२० डिसेंबर, २००८

स्मशान



शोधून सापडेना साधे निशाण माझे;

बेवारशाप्रमाणे हे वर्तमान माझे.


पुतळे उभारले अन् केल्यात फक्त चर्चा;

तुम्ही विचार कोठे केले महान माझे?


कर्तव्यदक्षतेचा अहवाल सांगतो की

अद्यापही सुरक्षित आहे मकान माझे.


तेजीत जीवनाचा बाजारभाव यंदा;

मी काढले विकाया सारे इमान माझे.


मी वारसा जगाच्या आदीम प्रेरणेचा;

प्रत्येक माणसाच्या हृदयात स्थान माझे.


माझ्या मताप्रमाणे केव्हाच वारलो मी;

आता जिवंत आहे येथे स्मशान माझे.


रुपेश देशमुख

९९२३०७५७४३

कोणत्याही टिप्पण्‍या नाहीत: