६ ऑक्टोबर, २०११

दिनेश गावंडे : एक गझल









काय ते राहिले



काय ते राहिले बोलण्यासारखे;


प्रेम नाही तुझे चांदण्यासारखे.

विसरणे एवढे सहज नाही गडे;


नाव लिहिल्यावरी खोडण्यासारखे.



हात हाती तुझा राहिला ना अता;
काय मग राहिले सोडण्यासारखे.

भेटता तू मला अंतरी वाटते,
हात देवापुढे जोडण्यासारखे.

प्रेम देशील तर प्रेम मिळते इथे;
हे उधारीत ना मांडण्यासारखे.

dgavande42@gmail.com


कोणत्याही टिप्पण्‍या नाहीत: