गुणाकार
कटू बोलला तो, तसे फार नाही;
जिव्हारी रुतावा, असा वार नाही.
जरी मागते मी, मला खंत नाही;
इथे सांग ना, कोण लाचार नाही?
उसासू नको तू, तुझ्या आठवांचा;
उदासीत माझ्या पुढाकार नाही!
करू काय मी या मुक्या पावसाचे?
तुझ्यासारखा तो धुवांधार नाही.
तुझे दु:ख आले तिच्या सोबतीला,
व्यथा आज माझी निराधार नाही.
दशांशात भागून शून्यात बाकी,
सुखाच्या नशीबी गुणाकार नाही.
कोणत्याही टिप्पण्या नाहीत:
टिप्पणी पोस्ट करा