माझे डोळे
तुला पाहता तुझेच झाले माझे डोळे;
माझे म्हणण्या नाही उरले माझे डोळे.
अजून पुरता नाही कळलो कसा तुला मी;
मला पाहण्या कां न घेतले माझे डोळे.
तुझ्या घराचा दिवाणखाना सखे सजवण्या...
अश्रूंचे बघ झुंबर झाले माझे डोळे.
आलीस सखे साज चढवून जरी उन्हाचा;
इथे दंवाचे आतुरलेले माझे डोळे.
खळाळून तो हसणारा मी बुद्ध पाहिला;
ध्यानासाठी जेव्हा मिटले माझे डोळे.
कोणत्याही टिप्पण्या नाहीत:
टिप्पणी पोस्ट करा