Related Posts Plugin for WordPress, Blogger...

२३ ऑक्टोबर, २०१२

राजीव मासरूळकर : एक गझल



बाजार झालो

उष्ण झालो गार झालो;
मी खुला बाजार झालो.

तोलुनी आभाळ सारे;
मी भुईला भार झालो.

पंख मी फैलावले अन्
माणसांनो , घार झालो.

त्या फुलाने स्मित केले-
मी उरी गंधार झालो.

घेतली माघार थोडी;
तोच फुसका बार झालो.

मी खर्‍य़ाचे ढोँग केले-
इश्वरी अवतार झालो.

लागता थोडा उन्हाळा;
मी पुन्हा लाचार झालो.

मी खरे बोलून गेलो;
लोकहो , गद्दार झालो.

घेतली स्वेच्छानिवृत्ती;
मी घरी भंगार झालो.

घेतला मी पेट आणि
अमृताची धार झालो.

चुंबिले तू मज असे की
तत्क्षणी मी ठार झालो!

गझलकडे वळा ! - भालचंद्र नेमाडे

‘‘सध्या मुक्तछंदाच्या वापराने मराठी कवितेला दारिद्र्य आले आहे. म्हणूनच एकाचवेळी विविध विषय समर्थपणे पोहोचवणा-या व वृत्तसौंदर्याने नटलेल्या गझल प्रकाराचा स्वीकार-अंगिकार मराठी भाषेला आवश्यकच ठरणार आहे’’ - असे उद्गार सुप्रसिद्ध साहित्यिक भालचंद्र नेमाडे यांनी मुंबई विद्यापीठात गझल प्रकारावर झालेल्या परिसंवादाच्या अध्यक्षपदावरून काढले. (वृत्त - महाराष्ट्र टाइम्स, दि.७-४-२००४)

Ghazal in English :


English
- Chandrani Chatterjee / Milind Malshe

डॉ.श्रीकृष्ण राऊत : गझल सादर करताना

तुझ्या गुलाबी ओठांवरती : रफिक शेख

नामवंत सिने दिग्दर्शक राजदत्तजी ‘गझलकार’ सीमोल्लंघन विशेषांकाबद्दल बोलताना :

प्रख्यात समाज सेविका सिंधुताई सपकाळ

प्रख्यात समाज सेविका सिंधुताई सपकाळ
सीमोल्लंघन २०११ चे प्रकाशन करताना

  © Blogger templates Newspaper III by Ourblogtemplates.com 2008

Back to TOP