बाजार झालो
उष्ण झालो गार झालो;
मी खुला बाजार झालो.
तोलुनी आभाळ सारे;
मी भुईला भार झालो.
पंख मी फैलावले अन्
माणसांनो , घार झालो.
त्या फुलाने स्मित केले-
मी उरी गंधार झालो.
घेतली माघार थोडी;
तोच फुसका बार झालो.
मी खर्‍य़ाचे ढोँग केले-
इश्वरी अवतार झालो.
लागता थोडा उन्हाळा;
मी पुन्हा लाचार झालो.
मी खरे बोलून गेलो;
लोकहो , गद्दार झालो.
घेतली स्वेच्छानिवृत्ती;
मी घरी भंगार झालो.
घेतला मी पेट आणि
अमृताची धार झालो.
चुंबिले तू मज असे की
तत्क्षणी मी ठार झालो!
कोणत्याही टिप्पण्‍या नाहीत:
टिप्पणी पोस्ट करा