नम्रता सर्वांस मोठा मानते;
आढ्यता स्वर्गास गोठा मानते.
जीवनाचे मर्म श्रद्धा,लीनता;
अंधश्रद्धा धर्म खोटा मानते.
दैव जे देते तयाने ते सुखी;
हाव तृप्तीलाच तोटा मानते!
चाखले थोडे नि बाकी फेकले;
भूक ज्याला तीच पोटा मानते.
नाशनिद्रा मागते गादी,उशी;
झोप गोट्यांनाच ओटा मानते.
संकटांना धीर देणारे किती?
घाबरे काडीस सोटा मानते.
आडवे धागे हवे ताण्यास या;
प्रीत ही धैर्यास धोटा मानते.
सूर की हे पीठ वा हे चांदणे;
माय ओवीला घरोटा मानते.
फोडले नाही कुणी वा वाचले;
पत्र हे साधे लखोटा मानते.
पुस्तकाने राव झाला का कुणी?
विद्वत्ता पानांस नोटा मानते.
हॅलो : (०२५९१) २२५३७१
कोणत्याही टिप्पण्‍या नाहीत:
टिप्पणी पोस्ट करा