८ ऑक्टोबर, २००८

मी शब्द बोललेला : रविप्रकाश




मी शब्द बोललेला झाला प्रमाण आहे;
म्हणतात ऐकणारे हे संविधान आहे.

आम्ही कळ्याकळ्यांचे केलेत पाय भारी;
आता तुझे वसंता बसले दुकान आहे.

आता समुद्र सुद्धा लागेल थरथराया;
रस्त्यावरी उतरली माझी तहान आहे.

खोटे खरे कराया केकाटली वकीली;
आत्ताच भिंत होती! आत्ताच कान आहे!

पाण्यावरीच त्यांनी माझे सरण रचावे;
मेलो तरी मनाची बाकी तहान आहे.

मो. ९९२१२९७२९७

1 टिप्पणी:

Asha Joglekar म्हणाले...

पाण्यावरीच त्यांनी माझे सरण रचावे;
मेलो तरी मनाची बाकी तहान आहे.

Too Good.