उन्मत्त श्वापदांनो नाचा खुशाल आता;
हा देश भामट्यांना केला बहाल आता.
बाजार सज्जनांचा रात्री उठून गेला;
निष्पाप पामरांना कोठे विकाल आता.
आला पुन्हा नव्याने हंगाम सांत्वनांचा;
संभावितांप्रमाणे शोधा रुमाल आता.
निर्व्याज त्या कळ्यांना आता कुणी न वाली;
दारी,घरी कुठेही दिसती दलाल आता.
दे आसरा,पुन्हा मी परतून आज आलो;
सारे जुने गुन्हे तू पोटात घाल आता.
मो. ९४२२००३५१२
कोणत्याही टिप्पण्या नाहीत:
टिप्पणी पोस्ट करा