Related Posts Plugin for WordPress, Blogger...

१३ मार्च, २०१०

दोन गझला : वीरेंद्र बेडसे




वीरेंद्र बेडसे
९४२१८८६०९२

१.मोहरा

यार माझा खरा;
लोचनीचा झरा.

ही जगाची तर्‍हा-
हा नको, तो बरा.
जीव वेडा-खुळा,
हावरा...कावरा.

घात करतो सदा;
देखणा चेहरा.

काय आयुष्य हे;
मखमली पिंजरा.

खेळ त्यांचा जुना;
मी नवा मोहरा.


२.वादळ

ब्रह्मांडाला वळसा घालत दिशात घुमते वादळ;
रोज मुखवटे,काया बदलत युगात असते वादळ.

या एकाकी जगण्याला हा जीव असला विटला;
नातलगांना अता पुकारत जगात फिरते वादळ.

निर्मळ,हसमुख माझी सजणी तशीच अवघड,कणखर;
नयनावरती नाजुक हरकत;उरात जपते वादळ.

मजबूत हव्या आपसातल्या विश्वासाच्या भिंती;
‘संशय’ असतो सदैव भटकत...घरात शिरते वादळ.

नकोस सखये रोज रोज तू चेह‍र्‍यास या सजवू;
नंदनवन हे जिथे, पानिपत क्षणात करते वादळ.



गझलकडे वळा ! - भालचंद्र नेमाडे

‘‘सध्या मुक्तछंदाच्या वापराने मराठी कवितेला दारिद्र्य आले आहे. म्हणूनच एकाचवेळी विविध विषय समर्थपणे पोहोचवणा-या व वृत्तसौंदर्याने नटलेल्या गझल प्रकाराचा स्वीकार-अंगिकार मराठी भाषेला आवश्यकच ठरणार आहे’’ - असे उद्गार सुप्रसिद्ध साहित्यिक भालचंद्र नेमाडे यांनी मुंबई विद्यापीठात गझल प्रकारावर झालेल्या परिसंवादाच्या अध्यक्षपदावरून काढले. (वृत्त - महाराष्ट्र टाइम्स, दि.७-४-२००४)

Ghazal in English :


English
- Chandrani Chatterjee / Milind Malshe

डॉ.श्रीकृष्ण राऊत : गझल सादर करताना

तुझ्या गुलाबी ओठांवरती : रफिक शेख

नामवंत सिने दिग्दर्शक राजदत्तजी ‘गझलकार’ सीमोल्लंघन विशेषांकाबद्दल बोलताना :

प्रख्यात समाज सेविका सिंधुताई सपकाळ

प्रख्यात समाज सेविका सिंधुताई सपकाळ
सीमोल्लंघन २०११ चे प्रकाशन करताना

  © Blogger templates Newspaper III by Ourblogtemplates.com 2008

Back to TOP