Related Posts Plugin for WordPress, Blogger...

१७ ऑक्टोबर, २०१०

एक गझल : रविप्रकाश


रविप्रकाश

९९२१२९७२९७
१.

प्रतिष्ठा

तुझे वार थोडे हळुवार व्हावे...
कितीदा गळ्याने सुरीला पुसावे?

किती चोरले तू गळे कोकिळेचे;
तुझा कंठ व्हाया स्वरांनी झुरावे.

कसे प्रेम असते?कसा जीव जातो?
अरे मूर्ख श्वासा तुला ना कळावे!

उभा जन्म झाला भ्रमाची भ्रमंती...
तुझ्या सावलीला कितीदा धरावे.

मला सांग आता तुझ्या वाढदिवशी;
किती श्वास माझे तुला भेट द्यावे!

उन्हाच्या झळांशी लळा लागल्यावर,
तुझ्या सावलीला कशाला बसावे?

गडे सांत्वनाला दिली तू प्रतिष्ठा;
तुझ्या आसवांची रुमालास नावे!

1 comments:

Gangadhar Mute २४.१०.१०  

सर्वच शेर छान आहेत.
उन्हाच्या झळांशी लळा लागल्यावर,
तुझ्या सावलीला कशाला बसावे?

हा खास आवडला.

गझलकडे वळा ! - भालचंद्र नेमाडे

‘‘सध्या मुक्तछंदाच्या वापराने मराठी कवितेला दारिद्र्य आले आहे. म्हणूनच एकाचवेळी विविध विषय समर्थपणे पोहोचवणा-या व वृत्तसौंदर्याने नटलेल्या गझल प्रकाराचा स्वीकार-अंगिकार मराठी भाषेला आवश्यकच ठरणार आहे’’ - असे उद्गार सुप्रसिद्ध साहित्यिक भालचंद्र नेमाडे यांनी मुंबई विद्यापीठात गझल प्रकारावर झालेल्या परिसंवादाच्या अध्यक्षपदावरून काढले. (वृत्त - महाराष्ट्र टाइम्स, दि.७-४-२००४)

Ghazal in English :


English
- Chandrani Chatterjee / Milind Malshe

डॉ.श्रीकृष्ण राऊत : गझल सादर करताना

तुझ्या गुलाबी ओठांवरती : रफिक शेख

नामवंत सिने दिग्दर्शक राजदत्तजी ‘गझलकार’ सीमोल्लंघन विशेषांकाबद्दल बोलताना :

प्रख्यात समाज सेविका सिंधुताई सपकाळ

प्रख्यात समाज सेविका सिंधुताई सपकाळ
सीमोल्लंघन २०११ चे प्रकाशन करताना

  © Blogger templates Newspaper III by Ourblogtemplates.com 2008

Back to TOP