कमलाकर देसले
९४२१५०७४३४
१.पारदर्शी काच
मी दिव्याची पारदर्शी काच होतो .
काळजीच्या काजळीचा जाच होतो .
सभ्य जेंव्हा लाच घेतो पाहिले की-
सज्जनाला जीवघेणा जाच होतो .
जिंकता येते अधर्माने लढाई ;
मात्र जय युद्धात सत्याचाच होतो .
शंभराना मारण्यासाठी मुरारी ;
पांडवांच्याही रूपाने पाच होतो .
वाचली नव्हतीच गीता तोवरी मी ;
संत (?)म्हटले,"केवढा साधाच होतो"!
२.आळ
घातला पायात चाळ;
घेतला त्यांनीच आळ.
रे करूनी आत्महत्या;
जिंकता येतो न काळ .
आजचा नेता तरी हा;
जाहला घोटून लाळ.
आटले की प्रेम होते -
हे जिणे बाबा रटाळ.
पावतो का?देव भक्ता-
फक्त रे कुंटून टाळ.
धावतांना थांब थोडा;
रे गतीचा नियम पाळ.
कोणत्याही टिप्पण्‍या नाहीत:
टिप्पणी पोस्ट करा