Related Posts Plugin for WordPress, Blogger...

८ ऑक्टोबर, २००८

वैनगंगेच्या तिरी : प्रल्हाद सोनेवाने




हिंडलो वेड्यापरी या वैनगंगेच्या तिरी;
जीव झाला बासरी या वैनगंगेच्या तिरी.

झोपड्यांचे गाव माझे, माणसे साधीसुधी;
हीच माझी पंढरी या वैनगंगेच्या तिरी.

राबती मातीत काळ्या पांडुरंगाची रूपे;
द्यावयाला भाकरी या वैनगंगेच्या तिरी.

या निळ्या पाण्यात रात्री चंद्र-तारे डुंबती;
स्वर्ग येई भूवरी या वैनगंगेच्या तिरी.

ओततो गगनातुनी कोणीतरी मातीवरी-
अमृताच्या घागरी या वैनगंगेच्या तिरी.

हीच गंगा, वंद्रभागा,नर्मदा,इंद्रायणी;
मोक्ष ये दारावरी या वैनगंगेच्या तिरी.

आमराईतून कोणी जन्मजन्मांचा सखा-
शीळ घाली अंतरी या वैनगंगेच्या तिरी.

मी कधी होऊन राधा हाक त्याला मारतो;
भेट देई श्रीहरी या वैनगंगेच्या तिरी.

वाटतो देवास हेवा,तो म्हणे घेईन रे-
जन्म मी केंव्हातरी या वैनगंगेच्या तिरी!’

हॅलो : (०७१८६) २४५३८६

गझलकडे वळा ! - भालचंद्र नेमाडे

‘‘सध्या मुक्तछंदाच्या वापराने मराठी कवितेला दारिद्र्य आले आहे. म्हणूनच एकाचवेळी विविध विषय समर्थपणे पोहोचवणा-या व वृत्तसौंदर्याने नटलेल्या गझल प्रकाराचा स्वीकार-अंगिकार मराठी भाषेला आवश्यकच ठरणार आहे’’ - असे उद्गार सुप्रसिद्ध साहित्यिक भालचंद्र नेमाडे यांनी मुंबई विद्यापीठात गझल प्रकारावर झालेल्या परिसंवादाच्या अध्यक्षपदावरून काढले. (वृत्त - महाराष्ट्र टाइम्स, दि.७-४-२००४)

Ghazal in English :


English
- Chandrani Chatterjee / Milind Malshe

डॉ.श्रीकृष्ण राऊत : गझल सादर करताना

तुझ्या गुलाबी ओठांवरती : रफिक शेख

नामवंत सिने दिग्दर्शक राजदत्तजी ‘गझलकार’ सीमोल्लंघन विशेषांकाबद्दल बोलताना :

प्रख्यात समाज सेविका सिंधुताई सपकाळ

प्रख्यात समाज सेविका सिंधुताई सपकाळ
सीमोल्लंघन २०११ चे प्रकाशन करताना

  © Blogger templates Newspaper III by Ourblogtemplates.com 2008

Back to TOP